ছাত্ৰ যেতিয়া বন্ধু হয়….

ছাত্ৰ যেতিয়া বন্ধু হয় / তেতিয়া আপোনালোকৰ দৰেই হয় / ছাত্ৰ যেতিয়া বন্ধু হয় / গুৰুতকৈ শিয়ান শিচ আপোনালোকৰ মাজতেই হয় / আপোনালোকৰ মাজতেই গুৰুৱে নিজক বিচাৰি লয় / শিক্ষাৰ লগতেই সুখ দুখৰো ভাগ হয় / এনে কেৱল ছাত্ৰ বন্ধু হ’লেহে হয় ।

ছাত্ৰ যেতিয়া বন্ধু হয় / গুৰুৰ ওচৰত অভিমান হয় / গুৰুৰো অভিমান হয় / কিয়নো ছাত্ৰযে তেঁওৰ বন্ধু হয় / অভিমান ভাগে , মৰমবোৰ বাঢ়ে / নতুন আৰম্ভণিৰে পুৰণি জীৱনটো গঢ়ে / এনে হয় কেৱল ছাত্ৰ বন্ধু হ’লেহে / প্ৰতিটো পুৱাই জীপাল হয় / ছাত্ৰ যেতিয়া বন্ধু হয় ।

ছাত্ৰ যেতিয়া বন্ধু হয় / তেতিয়া আপোনালোকৰ দৰেই হয় / গুৰুৰ গাত গুণ নাই বুলিলেও মনে জানো মানি লয় / ছাত্ৰযে গুৰুৰ অভিমান হয় / ছাত্ৰ গুৰুৰ প্ৰচ্ছায়া হয় / পদূলিৰ জপনাখন জপাব খুজিলেও মনৰ দুৱাৰখন খুলি থয় / ছাত্ৰ যেতিয়া গুৰুৰ বন্ধু হয় / তেতিয়া আপোনালোকৰ দৰেই হয় / ভাঙিব খুজিলেও সম্পৰ্ক আগতকৈ মজবুতহে হয় / আমি কোনেও ছিঙিব নোৱাৰা বান্ধোনত আৱদ্ধ / আমাৰ মান অভিমান সন্মান সকলোবোৰ আপোনালোকৰ মাজতেই সমৃদ্ধ / ছাত্ৰ শিক্ষকৰ সম্পৰ্ক আমাৰদৰেই হয় ।

হয়তো আপোনালোকৰ দুখ লাগে আমালৈ / আমাৰ ভাল লাগে তাতেই / সেই দুখৰ বাটেৰেই উজাই যাঁও সুখৰ দিশে । দুখতো যে প্ৰাপ্তি সুখৰ / আমি মহীয়ান হঁও আপোনালোকৰ মাজেৰেই ।