মাতৃত্বৰ দাম

মোৰ সন্তানে হেনো মোক মোৰ দাম দিব

নাৰীৰ নাড়ীৰ লগত থকা সম্পৰ্কৰ দাম দিব

পাৰিবিনে হেৰৌ ?

মোৰ গৰ্ভৰ দাম দিব !

পাৰিবিনে হিচাব কৰিব

কিমান দিন , কিমান ঘণ্টা , কিমান মিনিট

মোৰ গৰ্ভত সুৰক্ষিত হৈ এতিয়া

মাৰৰ মাতৃত্বৰ দাম দিব পৰাকৈ বৰটো হৈ উঠিলি !

পাৰিবিনে হিচাপ কৰিব মোৰ উজাগৰী আগ্ৰহী সময়বোৰৰ !

পাৰিবিনে তই জীৱন পোৱা

মোৰ বুকুৰ অমৃতৰ দাম পৰিশোধ কৰিব !

পাৰিবিনে হেৰৌ তোৰবাবে কৰা নিঃস্বাৰ্থ ত্যাগবোৰৰ

ধাৰ সুজিব !

তোৰ চিন্তাবোৰ মোৰ কৰাৰ ,

তোৰ ভয়বোৰক সাহসী কৰি তোলাৰ সময়বোৰৰ

দাম দিব !

তোক এইবোৰ কৈ মোৰ নিজৰে

বৰ স্বাৰ্থপৰ যেন লাগিছে হেৰৌ ।

তোক এটা বস্তুৰ দাম মই নিজেই বিচাৰোঁ

পাৰিলি দিবি , না নকৰিবি

তোক গৰ্ভত ধাৰণ কৰি পৃথিৱীৰ পোহৰ দেখুওৱা

মোৰ মহা ভুলটোৰ সূতে মূলে ধাৰ শুজি দিবি ।

মাকবোৰ স্বাৰ্থহীন হ’লেও মই নহওঁ ।

মোৰ আই বোপাইৰ দামৰ কথা ভবাই নহ’লচোন

পিছে মোৰ দামটো দিবি । কম বেছ নকৰিবি ।